Adriana Lima Hmeichhe puithiam nih a tum hman

Lingerie model hlawhtling sawi tawha sawi loh theih loh Adriana Lima hian modeling career-a a luh hma hian Catholic Kohhrana hmeichhe puithiam (nun) nih a tum hman.

Victoria’s Secret Angel model lar leh hlawhtling hi a kohhran mi viau reuh. Model lama a luh hmain eng hna nge thawh a tum ṭhin tih an zawhna chhangin, Adriana Lima chuan, “Kohhran hi keimahah hian a awm a ni ber a, kan inzawm ṭha hle. Pathian nen in inzawm a, a tana eng pawh tih tumna rilru neih chuan vantirhkoh ten min veng ṭhin a lo ni. Ka thlarau mi hle a, khuarel hi ka ring a, chakna awm ka ring a, thlarau khawvel a awm ka ring,” a ti.

Hmeichhe puithiam nih lo tum ve uaih uaih tawh kha modeling industry-ah a lut a, a chhe lo a, a pian a nalh bawk a, tunah chuan khawvel huapa model hlawhtling a lo ni ta. Modeling industry-ah hian a lo berah kum 40 a nih thleng chu fashion show-a la lan a tum. Tunah hian kum 35 mi a ni ve tawh.

Fashion leh nalhna lam hi a naupanlai aṭanga a rilrua awm tawh a ni tih Adriana hian a sawi. Brazil chhuak model hian, “Hmeichhe naupang mai ka la nih lai aṭangin ka nu chhuak tur inchei hi ka thlir reng ṭhin,” a ti a, hei vang hian tun thlengin modeling leh incheimawina hi a nuna thil bet tlat a nih thu a sawi.