Sheeran-a’n boy band siam a tum
Kum 26 mi, British zaithiam Ed Sheeran hian zaithiam lar tak takte tan hla a lo phuah tawh a, Justin Bieber te, One Direction te pawhin a hla an lo saksak tawh. Tunah chuan Ed Sheeran hian boy band-te an perform tura hla phuahsaktu chauh nih a tum tawh lo a, amah ngeiin boy band siam a tum a, a concert-ah hruai a tum.
Ed Sheeran hian a band member tur lak nan audition a buatsaih mek niin a sawi a, chung mite tan chuan hla pawh a phuah nual. “Mipa pathum emaw pali emaw ka la khawm ang a, ka hlaho pawh an sa ang a, tour-ah pawh ka rualin an kal ve ang,” a ti.