Kristian hruaitu ṭhenkhatin Beauty and the Beast boycott an duh

Disney movie thar, Beauty and the Beast chuan sawisel a hlawh zel a, Russia rama 16+ ra­ting an pek an sawi hnuah, US-a Kristian hruaitu ṭhenkhat leh Pathian awm ringlo ṭhenkhat chuan boycott an duh thu an tlangaupui.

Billy Graham-a fapa, Fran­klin Graham chuan Beauty and the Beast hi a film siamtuten an kalpui danah a lo sawisel tawh a, anpui kawp lam a tilangsar niin a sawi. Hemi avang bawk hian Kristian hruaitu ṭhenkhat dang leh Pathian awm ring loten he film hi naupang en atan chuan ṭha loa an hriat thu an sawi bawk.

Kristian hruaituten an sawisel bakah, conservative ram, Russia chuan he film hi kum 16 hnuai lam en chi lohah ngaiin, rating pawh kum 16 chin chunglam en turin a pe. Russia-a culture ministry chuan 16+ rating an pek anga an chhuah dawn loh chuan Russia ram chhunga chhuah a phal lo.