20th EDU-FEST '22 Millenium Centre Rooftop-ah

Hripui leng vanga kum hnih lai an chawlh hnuin 20th Edu Fest '22 chu Zalen chanchinbu leh Lynchpin-te chuan June 7-8 hian Millenium Centre Rooftop-ah an buatsaih leh dawn.

Kumin EDU-FEST-ah hian India ram hmun hrang hrang aṭangin University/College 25 chuang tel turin an beisei a ni.

"Kum 20 hmang mek Edu Fest-in a tum ber chu zirlaite hmaichhanah ngei ‘career option’ awm theih dan free counselling pek a ni a, hemi bakah hian college lama zirna dap mek leh zirna In (University/College) a thawkte ngei, a kar a midang (middleman) tla zep lo a hmaichhana indawrtir hi Edu Fest-in atum ber chu a ni," tiin huaihawttute chuan an sawi.

A rawn tel tur zirna inte hi UGC/AICTE accredited vek an ni dawn. Paramedical courses, Nursing , Pharmacy, Engineering civil, petroleum, computer science, agriculture, humanities, allied science, graphic designing, medical, engineering, management, science, commerce leh stream dang dang dawr theih an ni dawn a, College ṭhenkhat chuan scholarship an pek theih bakah tlangmi tan tuition fee an titlawm thei bawk.

Edu Fest hi 11AM - 5 PM inkarah tlawh theih a ni dawn. Kum dangah pawh Mizo zirlai tam takin an lo chhawr ṭangkai tawh a ni.