Gaming News ; Pokémon Scarlet and Violet tlangzarh hun tur chu

Pokémon Company leh developer Game Freak-te chuan Nilaini khan Pokémon game thar tur Pokémon Scarlet leh Pokémon Violet trailer an tichhuak a, he game hi November 18-ah an tlangzarh dawn tih an tarlang bawk.

Nintendo Switch hmanga khelh tur a ni leh dawn a, open-world games a nih leh dawn bakah region thar, an hming an la tarlan lohah he game hi set a ni dawn. Trailer aṭanga a lan dan chuan Pokémon thar kan hmu nual dawn a nih hmel a, kan la hriat ngai loh Lechonk, Smoliv, leh Pawmi-te chu trailer lamah an hlimthla hmuh tur a awm.