Miss Chapchar Kût 2017 Lawmman hlan

Diktawn Monthly Magazine-in a thlan, Miss Chapchar Kût 2017 chu Inrinni khan lawmman hlan a ni.

March ni 11 (Inrinni) khan Miss Chapchar Kut 2017 lawmman hlanna hi Vanapa Hall-ah neih a ni a, Vanlalawmpuii Chawngthu, MLA, Chairperson Mizoram Women Commission chu khuallian atan hman a ni.

Miss Chapchar Kut 2017 hian lawmman pawisa fai Rs. 10,000, Citation, Photo Frame, leh lehkhabu hrang hrang Rs. 5000 man hu a dawng a, 3:16 Plan Solution aṭangin washing machine a dawng bawk. Runners Up-te hian pawisa fai Rs. 1000, citation, leh lehkhabu chi hrang hrang Rs. 5000/- man hu ṭheuh an dawng bawk. Top - 10 te hnenah citation leh lehkhabu chi hrang hrang, Rs. 1000/- chuang man hlan an ni a, khuallian Vanlalawmpuii Chawngthu chuan Rs. 1000/- ṭheuh a pe bawk.

Miss Chapchar Kut 2017 hi R. Lalrinmawii d/o R. Zosangliana (Govt. Complex) a ni a, 1st Runner Up hi Malsawmdawngi d/o Andrew T. Liantluanga (Kulikawn) niin, 2nd Runner Up hi Lalremruati Ralte d/o Lalthansiama (Chhinga Veng) a ni. C. Lalmuankimi d/o C. Lalhmangaiha (Falkland/Ruantlang) leh Christina Lallawmsangi d/o Lalhmunmawia (Chaltlang) te chu 3rd Runners Up an ni.