Johnny Depp leh Jeff Beck-te album July-ah

A nupui hlui Amber Heard nen an thubuaiah thiam a chang ta bawk a, Johnny Depp chuan tunah chuan a duh leh tuina lam a hawi thei ta.

A ṭhianpa Jeff Beck nen thlalehah mai hian album thar an tichhuak dawn a, chumi chungchang chu Beck pawhin a sawi chiang tawh a ni.

British guitarist Beck chuan,"Hepa hi kum nga liam taah khan ka tawng a ni," tia sawiin chumi hnuah chaun an hlim tlang ṭhin hle tih a sawi bakah,"Album pawh kan siam dun a ni. Engtin nge a thlen theih pawh ka hre lo hial zawk. July-ah hian tihchhuah a ni ang," tiin a sawi.

Yardbirds star hlui leh Depp hi a hma pawhin an lo thawkdun tawh a, John Lennon hla 'Isolation' an lo cover dun tawh a ni.

Ninganiah khan Johnny Depp hian Jeff Beck chu stage-ah lawnpuiin hla pariat lai an perform dun a, he hunah hian Sam Fender pawh hmuh tur a awm nghe nghe.