Khawvela thlai (Plants) lian ber Australian tuipui kamah hmuchhuak

Khawvela thlai lian ber, Manhattan aia let thum zeta lian nia an sawi 'seagrass' chu Australian tuipui kamah (coast) an hmu chhuak.

Western Australia lama an thil hmuh chhuah hi scientist-te chuan genetic testing hmangin thlai pakhat a nih thu an hmu chhuak tih an sawi a, kum 4,500 vel liam ta aṭang tawh khan chi pakhat hmangin hetiang tak hian a inzar pharh nia an rin thu an sawi.

He 'seagrass' hi km 200 bial vel laia lian niin University of Western Australia-a mithiamte chuan an sawi a ni. Shark Bay-ah an tum loh deuha hmuh chhuah a nih thu sawiin Perth aṭanga km 800 vela hlaah a awm tih an sawi bawk.