2022 K-Pop India Contest Aizawl Regional Round zaninah

Mizoram K-pop Fanclub leh Korean Cultural Centre India ṭangkawpina kum tina an buatsaih ṭhin 2022 K-Pop India Contest Aizawl Regional Round zanin hian neih a ni dawn.

K-Pop India Contest hi India ram pum inelna niin region tinah intihsiakna neih a ni ṭhin a, chuta pakhatnate chu national level-ah an intihsiak leh ṭhin a ni. National level-a pakhatnate chu International level thlengin an tel thei dawn a, South Korea lamah India ai an awh ang.

Kumin hian Online-a neih a ni dawn a, Korean Cultural Centre India YouTube channel lamah en theih a ni dawn. Atomy Smile Vision Noida-te sponsor-in Giveaway neih a ni nghal dawn a, Atomy Skin Care System The Fame Set Rs 9100 man hu leh thil dang an sem chhuak dawn a ni.

Guest performance ṭha tak tak an inlan dawn a, chung zingah chuan Korea lam thlenga intihsaknaa lawmman lo la tawhte pawh an tel dawn.

Regional Round-a pakhatnate chuan inelna sang zawk an hmachhawn theih bakah hamṭhatna ṭha tak tak an dawng ṭhin a, kuminah pawh hian sponsor Atomy Noida Smile Vision Centre-te hnen aṭangin skincare line gift set manhla tak an dawng dawn bakah cash prize pawh an dawng dawn a ni.