'Stranger Things 4'-in NETFLIX-ah record a siam

Stranger Things fan-te chuan kum thum lai an nghah hnuah 'Stranger Things 4' chu an nghak chhuak ta a, an en chak hlawm bawk a ni ange, Netflix lamah pawh record a siam phah hial!

Stranger Things season 4 Volume 1 chu English hmang series zinga premiere-a entu tam ber a ni a, Brigderton Season 2-in record a lo siam tawh chu a khum.

Netflix lamin an Top 10 ranking an tihchhuah tharah Duffer Brothers sci-fi series Season 4 hi May 23-30 inkar khan darkar maktaduai 287 lai en a ni a, pakhatna anih bakah hei hi English

ṭawng hmang series tan chuan record a ni. Chumai bakah chuan May 23-30 inkar khan Stranger Things season pali chu Netflix top 10-ah a lang vek bawk a ni.