TBC Zaithanpuia Mipaa pakhatna luah thei awm chhun

Hontrade International Ṭhazual Fakna chart tihchhuah leh a ni a, kuminah TBC Zaithanpuia chauh a ni, mipa solo-a pakhatna luah thei awm chhun.

TBCA hian 'Nang chauh i ni' hla hmangin, a vawi hnih nan Hontrade International Ṭhazual Fakna chart-ah hian pakhatna a luah leh. Kumin hian Fakna chart hi vawi nga tih­chhuah a ni tawh a, TBCA hi mipaa pakhatna luah thei awm chhun a nih bakah a zawna pakhatna luah thei mipaa awm chhun a ni a, a zawna pakhatna luah thei pahnihna a ni.

Chart-ah hian Lalremsiami chuan 'Ka vui lo Lalpa' hla hmangin a zawnin pakhatna vawi hnih a luah thei a, TBCA hian pakhatna a vawi hnih nan a rawn luah ve leh bawk. Chart vawi nga tihchhuah tawhah TBCA leh Lalremsiami loa lang awm chhung chu Mawitei ft. Open Strings chauh a ni.

'Nang chauh i ni' tih hla hi Parema phuah a ni a, 'Ka vui lo Lalpa' album, nikuma tihchhuah a mi a ni. He album hralhna aṭanga sum a hmuhte ṭanpuina atana hman vek tur a ni a, ṭanpui tur mi ngaihtuah mek a ni. Album hralhna aṭang hian Rs. 60,000 vel lai hmuh a ni.

Pahnihna luahtu, Fiona Pa­chuau sak 'I hming chauh' tih pawh hi Parema phuah tho a ni. Fiona hla sak hi pahnihnaah a vawi hnih awmna a ni. Pangana aṭangin Pensy hla 'Ka inhumhimna' chu pathumnaah a chho a, Nunui hla thar zawk 'Malin ka awm lo' tih chu palinaah a rawn kai. Top 10-ah hian Bektei Sailo hla 'Ka va ngai em' tih chu a rawn lang thar a, Lalremsiami, Nunui tia koh hla pakhat zawk, a hmaa pakhatna a lo luahpui tawh 'Ka vui lo Lalpa' chu Top 10 aṭangin a chhuak.

Hontrade International Ṭhazual Fakna

1 TBC Zaithanpuia

- Nang chauh i ni

2 Fiona Pachuau

- I hming chauh

3 Pensy B. Lalthangliani

- Ka inhumhimna

4 Lalremsiami (Nunui)

- Malin ka awm lo

5 Bethsy Lalrinsangi

- Mifelte chauh thlang lova

6 Mawitei ft Open Strings

- A vul zel

7 Sawmtea - I tan ka hlan

8 Lalhlumawii

- Ka dai ngai loh ram nuam

9 TBC Zaithanpuia

- Zawh ka zuam lo

10 Bektei Sailo

- Ka va ngai em