Beisei aiin Kong: Skull Island a turu

Mizotena kan koh dan King Kong film thar ber, Kong: The Skull Island chu a siamtute leh critics-te beisei aiin a turu a, box office-ah pakhatna a luah chiang.

Kong: The Skull Island hi beisei dan chuan kar tawp ni thum chhung khan USD mtd 40-50 vel a hmuh rin a ni a, mahse hei ai hian a takah chuan a bon zawk. He film hian kar tawp ni thum chhung khan USD mtd 61 lai a lalut. Zâwng lian, Kong chanchin film hmasa ber chu kum 1933-a tih­chhuah kha a ni.

Hugh Jackman-a channa, Wolverine anga a channa hnuhnung ber tura ngaih, Logan chu pakhatna aṭangin pa­hnihnaah a chhuk thla. He film hian kar tawp chhung khan USD mtd 37.9 lai a la hmu tling thei. He film hian North America aṭangin USD mtd 152.6 lai a hmu tling ta.

Get Out chu pathumnaah a la awm thei a, rin aiin pawisa pawh a la hmu hnem viau. He horror film hian kar tawp chhung khan USD mtd 21.2 lai a hmu leh. He film hi a hlawk viau tawh a ni. USD mtd 5 chauh senga an siam kha a ni a, chawlhkar thum chhuah a ni tawh a, North Ame­rica aṭang chauh pawhin USD mtd 111 lai a thawk chhuak der tawh.

Box office movie-te

“Kong: Skull Island” - $mtd 61

“Logan” - $mtd 37.9

“Get Out” - $mtd 21.2

“The Shack” - $mtd 10.1

“The Lego Batman Movie” - $mtd 7.8

“Before I Fall” - $mtd 3.1

“Hidden Figures” - $mtd 2.8

“John Wick: Chapter 2” - $mtd 2.7

“La La Land” - $mtd 1.8

“Fifty Shades Darker” - $mtd 1.6