Ed Sheeran-a Divide a ropui thlawt

Ed Sheeran-a album thar ber ‘Divide’ hi a ropui a ni tih Billboard 200 chuan a nemnghet a, kar liam ta chhung khan copy 451,000 zet a hralh.

Divide album, kar liam ta chhunga hralh zat, 451,000 zinga copy 322,000 chu album pangngai a ni a, a dang chu album tlukpui a ni. Nielsen Music-in a tarlan dan chuan Divide hi kumin chhunga chawlhkar khat chhunga album hralh hnem ber a ni. December 31-a Billboard 200 chart tih­chhuaha J.Cole-a album 4 Your Eyez Only copy 492,000 an hralh hnua chawlh­kar khat chhunga album hralh ṭhat ber a ni.

Ed Sheeran-a album pathumte top 5-ah an lang vek a, a hnu­hnung pahnih phei chu pakhatnaah an awm. Kum 2011-a a album tihchhuah, “+” chu pangana a ni a, kum 2014-a a tihchhuah “x” chu pakhatnaah a awm.

Official Charts Company-in a tihchhuah danah chuan ‘Divide’ hi mipa album zinga chawlhkar khat chhunga hralh chak ber pathumna a ni. A album hrim hrim a hlawhtlin bakah, he album-a hlate a hlawhtling hlawm hle, UK-a Official Songs Chart-ah he album-a hla mal hran hrante chu top 20-ah a lang vek a, hetiang hlawhtlinna chang hmasa ber a ni. Top 10-ah a hla pakua lai a lang nghe nghe.

Metallica album “Hardwired...To Self-Destruct” chu pahnihnaah a rawn chuang chhuak leh. 12-na thlengin Metallica album thar hi a tla thla tawh a, chumi hnuah pahnihnaah rawn chhoin, kar liam ta chhungin “Hardwired...To Self-Destruct” album hi copy 81,000 lai an hralh. Pathumnaah Bruno Mars album 24K Magic a awm.

Billboard 200

“Divide (division sign)” - Ed Sheeran (451,000)

“Hardwired...To Self-Destruct” - Metallica (81,000)

“24K Magic” - Bruno Mars (65,000)

“Future” - Future (52,000)

“HNDRXX” - Future (49,000)

“Culture” - Migos (44,000)

“Starboy” - The Weeknd (42,000)

“Moana” Soundtrack - Various Artists (39,000)

“American Teen” - Khalid (37,000)

“Trolls” Soundtrack - Various Artists (36,000)