Rihanna hlawhtlinna belhchhahin a awm zel

Billboard chart lamah Rihanna hlawhtlinna chu belhchhahin a awm zel a, Billboard Hot 100-a top 5-ah Rihanna hla 22 lai a lang thei ta.

Billboard 100 chart-a lang thei hrim hrim hla neih hnem lamah Nicki Minaj te, Aretha Franklin te tluk lo mah se, Rihanna hian anni aia a hlawhtlinna hi a khal ṭha zawk a ni tih a lantir. A hla ‘Love on the Brain’ chu parukna aṭangin panganaah a kai chho a, hei nen hian top 5-a lang pha hla 22 lai a nei ta. Top 5-a lang pha hla neih hnem lamah pangana a ni a, Elvis Presley a kalsan.

Billboard Hot 100 top 5-a hla lang pha chin nei hnem ber chu The Beatles an ni a, an hla 29 lai a lang thei a, a dawt chu Madonna niin, a hla 28 a lang thei. Mariah Carey chu pathumna a ni a, top 5-ah a hla 26 a lang a, Michael Jackson-a hla 24 lai top 5-ah a lang bawk. Rihanna chu pangana a ni a, Elvis Presley chu parukna niin, a hla 21 top 5-ah a lang thei.