Liam Payne-a album siam a hmanhmawh
One Direction-in an band anga an chawlh laiin Liam Payne pawh album siamin a hmanhlel hle. A ṭhianten thawm an neih an neih tawh laiin rin aiin a reh rei mah zawka a lan lai hian album a lo buaipui char char a lo ni a, chutihlai chuan a bialnuin nau a hrin hma ngeia album tihchhuah a tum avangin a buai hle.
Liam Payne hian Cheryl Cole nena an fa hmasa ber tur chu Cheryl hian a pai mek. Kum 23 mi British zaithiam hian fa an neih hma ngeia album tihchhuah tumin a thawk ngawrh hle a, zan dar 9 aṭangin zing dar 4, dar 5 vel thleng thleng studio chhungah hian a awm ṭhin.