Jolie-i’n London School of Economics-ah lecture a pe

Angelina Jolie chuan Thawhlehni khan khawvela zirna hmun ṭha zinga mi, London School of Economics-a post-graduate zirlai group pakhat lecture a pe.

Angelina Jolie hian British Foreign Secretary William Hague nen kum 2015 khan LSE-ah hian Centre on Women, Peace and Security an hawng a, hemi behchhan hian kumin September thla aṭangin visiting professor angin a awm dawn. Hemi hma hian LSE-ah hian lecture a pe.

Centre on Women, Peace and Security hi post-graduate couse a ni a, LSE hian he subject zir theihna hi a hawng a, M.Sc. peng pakhat anga kalpui tur a ni. He course hi indona leh buaina kara hmeichhiate dinhmun zirchianna a ni deuh ber. Angelina Jolie hi United Nations High Commissioner for Refugees (UNHCR) a ni mek a, a nihna avang hian visiting professor angin an hmang dawn a ni.