India-a hralh chak ber Redmi Note 4

Chinese phone siamtu Xiao­mi chuan Redmi Note 4 chu ni 45 chhunga India rama phone hralh chak ber a nih thu an puang.

Xiaomi India-a managing director Manu Jain chuan Twitter-ah Xiaomi Redmi Note 4 hralh chak a nih chungchang hi a puang chhuak. Redmi Note 4 hi ni 45 chhungin maktaduai 1 zet hralh hman a ni.

Xiaomi phone thar ber zinga mi Redmi Note 4 hian OS-ah Android 6 (Marshmallow) a hmang a, MIUI 8 aṭanga ṭan a ni nghal. A hmai hi inchi 5.5-a hlai a ni a, screen resolution hi 1080p a ni. A hnung lam camera hi 13MP a ni a, a hma lam hi 5MP a ni. Xiaomi hi India-ah a hlawhtling hle a, kum 2016 chhunga sum an hmuh zawng zawng hi USD tld khat lai a tling.