2022 K-LOVE fan award For King & Country-in award pathum dawng

American Christian music fan-te'n an vote thlak aṭanga award an sem ṭhin 2022 K-LOVE fan award chu May 29 khan Opry House, Nashville-ah sem niin Zirtawpni liam ta khan pek chhuah a ni a, For King & Country chu award dawng tam ber niin pathum an dawng.

Matthew West leh Tauren Wells-te chuan kumin K-Love fan award hi an host a, For King & Country chu Artist of the year an nih bakah Group/duo of the year leh Song of the year dawngtu an ni bawk.

Matthew West hi host a nih bakah Male artist of the year award dawngtu a ni bawk a, Anne Wilson chu Female artist of the year award awngtu a ni thung a, Michael W Smith chuan book impact award a dawng ve bawk a ni.

K-Love Fan Awards hi kum 2013 aṭang khan an sem ṭan a, kumin hi vawi kua an semna niin kum telin hlut a hlawh telh telh a ni.

2022 K-LOVE fan award dawngtute:-
Artist of the year : For King & Country
Male artist of the year : Matthew West
Female artist of the yea : Anne Wilson
Group/duo of the year : For King & Country
Breakout single : Anne Wilson – “My Jesus”
Song of the year : For King & Country – “For God Is With Us”
Worship song of the year : Katy Nichole – “In Jesus Name (God of Possible)”
Film impact : American Underdog
Book impact : Michael W. Smith – The Way of the Father
Sports impact : Tim Tebow
Podcast of the year : Sadie Robertson Huff – “Whoa That’s Good”