Shakira leh Pique an inṭhen

Colombian pop star Shakira leh a bialpa Spanish football star Gerard Pique-te chuan Inrinni khan thuchhuah siamin an inṭhen thu an puangzar.

Shakira public relations firm chuan an pahnih aiawh hian thuchhuah siamin,"Kan inṭhen tih pawi titak chungin kan sawi chiang e. Kan fate tana ṭha tur ngaihtuah chungin kan privacy min zahsak turin kan ngen a che u. Min hriatthiam avangin kan lawm e," tiin an sawi.

Kum 45 mi Shakra leh kum 35 mi Pique-te hi kum 2010 World Cup anthem, 'Waka Waka (This Time for Africa)' music video aṭang khan an intawng a, kum 11 lai an inzui hnuah an inṭhen ta a ni. Report ṭhenkhat chuan Pique-a'n a rinawm loh san vangin an inṭhen niin an tarlang.

Shakira leh Pique-te hian fa pahnih Sasha leh Milan an nei tawh a ni.