Taylor Swift-i’n streaming service a buaipui

Spotify nena buaina neuh neuh an neih hnuah Taylor Swift chuan ama puala streaming service neih tumin hma a la ṭan ta. Hemi tura document pawimawhte pawh a buaipui.

Taylor Swift leh Spotify hian royalty chungchangah buaina neuh neuh an lo nei tawh a, Swift chuan he streaming service aṭang hian a hlate pawh a la chhuak a nih kha. Hetiang thil vel a nih chhoh takah chuan ama pual ngeia streaming site nei turin a buaipui chho ta a ni. Swift-i’n streaming service a siam tura hlate hi download theih loh tura dah a ni dawn a, TMZ-in a kawmnaah Swift chuan a streaming service hming turah hian ‘Swifties’ tih phuah a tum.

Streaming service bakah sumdawnna dang a buaipui chho bawk. Music bungrua leh hmanraw lam line hranpa nei turin hma a la a, guitar te, guitar pick, guitar strap leh drumstick tih velah a hminga tihchhuah a tum. Retreat te, educational camp tih velte pawh buaipui chhoh a tum bawk.