Voltas Malsawm House Ṭhazual Lengzem ; Zaii Hauchhum ‘Ka chelh ngam lo che’ pakhatna a ni

Voltas Malsawm House Ṭhazual Lengzem chart-ah tunlai lengzem singer huhang ngah ber pawl Zaii Hauchhum chuan 'Ka chelh ngam lo che' hmangin ro a rel.

'Ka chelh ngam lo che' Ṭhazual chart-a topper a ni hi mak itih a rinawm loh. He hla hi tunhnaia Mizo film tlangzarh thar 'Ka u Liana' OST kha niin thla khat vel chiah chiah liam taah khan YouTube lamah dah chhuah a ni. Thla khat chhungin YouTube lamah hian thlirtu nuai thum chuang a nei hman. Tunhnaia hla tihchhuah thar zingah chuan ngaihthlak hlawh ber pawl a ni tih a chiang.

Zaii Hauchhuam zai thiam zia chu kan hre tlang a, entertainer ṭha a nihzia leh a performance ṭhat ṭhin zia kan hria. Tuna a hla tihchhuah thar thla khat chhung vel leka chart topper a ni pawh hi a mak lo. A hla a sak mawi bakah music video a hmuhnawm tel bawk miau a.

Lowdy ft Emily Sung 'Ze hrang' chu palina aṭangin pahnihnaah a rawn invawrh a, hma an sawn chak viau. Zodinpuii Sailo 'Min hre reng ang che' chu pathumna a ni bawk.

Grace Lalchhanhimi, Jt. Production, Tommy L. Pachuau leh Siampuii Ralte-te pawh chart-ah an lang a ni.

Ṭhazual Lengzem top 10:
1 Zaii Hauchhum Ka chelh ngam lo che
2 Lowdy ft Emily Sung Ze hrang
3 Zodinpuii Sailo Min hre reng ang che
4 Grace Lalchhanhimi Chunnu
5 Mabiaki Pachuau Lung a leng e
6 Jt. Production Duhthusam suangtuahna
7 Tommy L. Pachuau Khuahmunah
8 Austin Mon ft Mary Dawngi Ka thinlung
9 Siampuii Ralte Leng lerh
10 Ronald Zothantluanga Hawrawp hnuhnung ber