Bon Jovi dintu zinga mi Alec John Such a thi

US legendary rock band Bon Jovi dingtu zinga mi, an bassist ni ṭhin bawk Alec John Such chu kum 70 mi niin Pathianni khan a thi.

Alec John Such thih chhan tak hi puanzar a la ni loa, Bon Jovi chuan an bassist hlui thih thu hi social media lamah puangzarin an ui thu an sawi a ni.

Kum 1983 aṭanga 1994 thleng khan Bon Jovi-ah hian telin hla hit eng emaw zat a tihchhuahpui hman a, mahse kum 1994 khan band chu a chhuahsan a ni. A band member-puite chuan official-in bassist thar an la dawn lo tih an puang nghal a, an band pui fo ṭhintu Hugh McDonald chuan kum tam tak pui mah se kum 2016 khan official member-ah an puang ve chauh.

Kum 2018-a Rock & Roll Hall of Fame-a Bon Jovi lakluh an nih pawh khan John Such hi a ṭhiante chuan an zinga ding ve tura sawmin a telpui ve nghe nghe a ni.