Vawiin aṭangin 20th Edufest nei ṭan dawn

Millennium Centre Rooftop-ah vawiin leh naktuk hian neih tur a, college/university tel turte chuan Aizawl an rawn thleng kim tawh nia thudawn a ni. Vawiin chawhma dar 11 hian MJA President, C Lalrambuatsaiha chuan Edufest hi a hawng ang.

Edufest-a rawn tel tur langsar zual zingah Sharda University, Insitute of Engineering and Management Kolkata, RR Group of Institution Bangalore, PEWS Group of Institutions, MU University Noida, Acharya Institute Bangalore, Assam Dowtown University, Parul University Gujarat, MATS University Raipur, Graphic Era-te an tel a, institution dang pawh an rawn tel beisei a ni.

Zirna in rawn tel turte hi UGC/AICTE accredited vek niin Paramedical courses, nursing , pharmacy, engineering civil, petroleum, computer science, agriculture, humanities, allied science, graphic designing, medical, engineering, management, science, commerce leh stream dang dangah dawr theih an ni dawn a, College ṭhenkhat hian scholarship an pek theih bakah tlangmi tan tuition fee an titlawm thei bawk.

Zalen chanchinbu leh Lynchpin buatsaih Edu Fest hi 11AM - 5 PM inkarah tlawh theih a ni ang.