Michelle Varte hmun chungnung ber a rawn luah ta

Hmana mi thlan hlawh music video nei tawh kha tunah pawh mite ngaihthlak duh tak a la ni tho. Michelle Varte chuan 'Chhing­khual lenmawi' tih hla hmanga Zoram mipui hriat a hlawh hnuah, 'Sakhmelṭhachuang' hmangin ṭhangthar zawkte pawhin an la tluk lohzia a rawn lantir a, Hontrade International Ṭhazual Lengzemah pakhatna a luah.

Michelle Varte hlawhtlinpui, nalh leh cool, ngaihthlak nuam tak 'Sakhmelṭhachuang' hla hi Feb­ruary 6-a Ṭhazual chart tihchhuah­ah khan pariatnaah a rawn lang ṭan a, February 20 kha chuan top 4-ah a inhlangkai thei tawh. March 6 khan pahnihna luahin, pakhatnaah a rawn kai chho ta a ni. 'Sakhmel-ṭhachuang' hla hi tunlaia hla phuah thiam nupa lar, Mapuii Fanai leh John Mawitea te phuah a ni a, music hi Kima Chhangte siam a ni.

A hmaa pakhatna luahtu Grace hla hit 'No khat' chu palinaah a tla thla a, pahnihnaah Mercy Remsangmuani hla 'Hmangaihtu ngaiin an ṭap e' tih chu a rawn chuang chhuak. Feli Fanai hla thar 'Theih chang se' chu pathumnaah a rawn kai.

Top 10-ah lang thar pahnih kan hmu. Aziri chu 'Eng vangin nge' tih hla hmangin paruknaah a rawn lang nghal thei a, Mathlenga chu 'Zawlkhaw dingdi' hla hmangin 10-naah a rawn lang thar bawk. Top 10 aṭangin Lilzo hla 'Ka sawm che' tih leh, Mimi Renthei hla 'Hrilh a'n ka mawi si lo' tihte a chhuak a, heng hla pahnihte hi pakhatna lo luah tawh ve ve an ni.

Hontrade International Ṭhazual Lengzem

1 Michelle Varte -

Sakhmelṭhachuang

2 Mercy Remsangmuani -

Hmangaihtu ngaiin an ṭap e

3 Feli Fanai - Theih chang se

4 Grace - No Khat

5 Kimkima - Ka zei an ti ṭhin

6 Aziri - Eng vangin nge

7 Caseys Secret - Duhaisam

8 Tetea - Duhaisam tikimtu

9 Thiamchantira - Palai tir ang aw

10 Mathlenga - Zawlkhaw dingdi