Tawnhriat ngah Isacc-a’n video a siam ta

Zai lamah chuan tawnhriat a ngah a, mahse music video ang zawng chuan tawnhriat a la ngah lo. Isaac Khawlhring chuan hmun hrang hranga zaia hnuhma a hnutchhiah hnuah ‘Lunglawm’ tih hla chu music video-a siam­in MDM Library-ah pawh a dah tawh e.

Sayaji Hotel, Pune; Sayaji Hotel, Kohapur; Hyatt Hotel, Pune leh vai ram hmun hrang hranga lo zai tawh ṭhin, Guwahati-a band The Given-a an singer ni bawk Isaac Khawlhring hian ‘Lunglawm’ music video hi a uluk hle. He hla hi PL Engmawia, Sateek phuah a ni a, music leh track pawh hi tunlaia musician larte kutchhuak a ni.