Zootopia film a buai mek

Oscar pawh dawng thei, animated movie hlawhtling Zootopia chuan buaina a nei mek a, copyright chung­changah he film siamtu Disney chu khin a ni.

Disney khingtu hi scriptwriter Gary L. Goldman a ni. Goldman hian kum 2000 leh 2009 te khan Zootopia ang idea hi Disney Company hnenah a lo sihhmuh tawh a, mahse Disney hian a lo ûk sâk lo a, chumi hnuah a idea ang chuan an siam leh tho niin sawi a ni. Hetiang a nih avang hian Goldman-a hnenah zangnadawmna pe turin court-a thu lut chuan a phut.

Zootopia hi a hlawhtling hle a, nikuma tih­chhuah kha a ni a, USD tld 1 zet hmu tlingin, nikum chhunga movie tihchhuah zinga sum lalut hnem palina a ni pha. Oscars leh Golden Globes-ah pawh award a dawng nghe nghe.