Tim McGraw te nupain album siam

Country music khawvela ropui pahnih, Tim McGraw leh a nupui Faith Hill te chuan an nupa album tur siamin studio an luh chilh mek.

Tim leh Faith te nupa hi vawi eng emaw zat event lian thamah an lo zai dun tawh a, album puitling pangngai tak erawh an la siam lo a, an inneih hnua an pahnihna zaina album puitling hmasa ber tur a ni. Tim leh Faith te hi kum 1996-a innei kha an ni a, tuna album an buaipui mek hi country music khawvela ngaihven hlawh berte zinga mi a ni nghal. Eng tikah nge an tihchhuah ang tih erawh an la puang lo.