Centenary official Music video tichhuak

Salvation Army, India Eastern Territory-in kum 100 tlin lawmna puala siam, Centenary official Music video chu tihhchuah a ni ta.

Centennial Various Artist-te sak “Kan hneh zel ang” tih hi Territorial Commander Lalngaihawmi chuan a tlangzarh. Music video tlangzarh rual hian SA rawngbawlna hrang hrang tarlanna promotional video clip leh Centenary Programme Android application chu release nghal a ni bawk. IET Centenary puala android apps siam hi playstore

aṭanga download theih a ni. Video hi Local Cable TV-ah tihchhuah tum a ni a, a duh tan youtube lamah en theih a ni bawk.

‘Kan hneh zel ang’ tih hla hi Henry Lalmawizuala, Aizawl Temple Corps phuah a ni a, Video hi Aldrin, Dawrpui Vengthar Corps siam a ni. Hlimhlimi, Grace Lal­chhanhimi, Judith, Lawma, Ronnie, Ruatfeli, Pc Hriati, Nono-i, Sangtea, Eunice-te an zai a, Musician-te chu Ephraim, David Z. Hmar, Freddy, J. Mala, Reuben, Maenga, Ela leh Bena-te an ni. Temple Corps SAY leh YP-te’n an pui a, Ebenezer Corps SAY bakah Information & Publicity Sub-Committtee-te’n tha an thawh bawk. Salvation Army, India Eastern Territory hian April 25-30 chhung hian Centanary hi ropui taka lawm an tum a ni.