Imagine Dragons hla pakhatna a ni rang ber

Imagine Dragons hla thar ‘Believer’ chu Billboard Alternative Songs chart-ah pakhatna a luah ta a, kum hnih hnua he chart-a pakhatna thleng rang ber a ni.

Imagine Dragons hla thar ‘Believer’ hi chawlhkar sa­rihnaah Billboard Alternative Songs chart-ah pakhatna a rawn luah a, kum 2015-a Muse hla ‘Dead Inside’ hnua pakhatna ni hma ber a ni. ‘Believer’ hi he chart-ah hian 30-naah a rawn lang ṭan a, kar hmasa khan pathumna a ni a, tunkarah pakhatnaah a chho nghal.

‘Believers’ hi Imagine Dragon hla, Alternative Songs chart-a pakhatna luah thei hla pahnihna a ni. Kum 2013 khan ‘Radioactive’ hla hmangin pakhatna an luah tawh. Las Vegas rock band hian he chart top 5-a lang thei hla an neih pangana a ni. Tuna an hla Believer hi a hlawhtling hle a, Hot Rock Songs-ah pawh pakhatna a luah a, Rock Digital Song Sale-ah pakhatna a luah bawk.