Bollywood actor zinga Advance Tax pe hnem ber Salman Khan

Tun pawisa kum chhunga Bollywood star zinga advance tax pe hnem ber chu Salman Khan a ni a, Rs. vbch 44.5 zet a pe. Nikuma a pek aiin za zela 39 zetin a pe hnem zawk.

Bollywood star-te hian pawisa an lalut hnem bawk a, chhiah pawh an chawi hnem hle. Tun pawisa kum chhunga an chhiah chawi ringawt pawh tam tham tak a ni. Milar tak takte zingah pawh Salman Khan chuan advance tax hi a pe hnem ber a, Rs. vbch 44.5 lai a pe a, nikum khan Rs. vbch 32 a pe. Ani dawta pe hnem chu Akshay Kumar a ni a, Rs. vbch 29.5 lai a pe.

Hrithik Roshan chuan advance tax hi Rs. vbch 25.5 a pe a, Ranbir Singh chuan Rs. vbch 16.5 a pe. Ranbir ai hian Kapil Sharma chuan a pe hnem zawk a, Rs. vbch 23.9 a pe a, nikum aiin za zela 241 zetin a pe hnem zawk a, nikum khan Rs. vbch 7 a pe.