BTS J-Hope Lollapalooza 2022-ah

TOMORROW X TOGETHER pawh an inlan dawn

July thla tawp lama Chicago-a neih tur Lollapalooza 2022-ah BTS member J-Hope chu headline a ni dawn,

J-Hope hi July 31, Pathianniah headline a ni dawn a, South Korean artist zingah chuan US festival-a main stage headline hmasa ber tur a ni.

Doja Cat a inlan theih dawn loh avangin J-Hope zawk hi a inlan dawn nia sawi a ni. TOMORROW X TOGETHER-te pawh he rimawi kutpuiah hian an inlan dawn tih a chiang tawh bawk.

Kumin Lollapalooza hi July 28-31 chhungin Chicago Grant Park-ah neih a ni dawn a, Metallica, Dua Lipa, J. Cole, Green Day, Machine Gun Kelly, Lil Baby, Glass Animals, The Kid Laroi, Gayle leh Sam Fender-te pawh inlan tur zingah an tel a ni.