A chiang an ti! 'Joker' chhunzawmnaah Joaquin Phoenix

Clown Prince of Crime solo movie kan hmu leh dawn.

Joker writer leh director, Todd Phillips chuan Instagram lamah post siamin 'Joker 2' a buaipui mek thu tichiangin 'Joker: Folie à Deux' tih inziak a tarlang tel. Hei hi a film title tur a nih a rinawm.

Script thlalak bakah hian Joaquin Phoenix-a'n script a chhiar lai thlalak a dahlang tel bawk. Chuvang chuan Joaquin Phoenix chuan a role ngai a chang leh dawn tih a chiang niah a ngaih theih. Chumai bakah chuan Phillips-a co-writer Scott Silver hming pawh script cover-ah hmuh tur a awm tel bawk a ni.

'Folie à Deux' chu Physchological term niin mental disorder, mi pahnih emaw a aia tam emaw nghawng, tihna a ni.

Joker 2 tur chungchang hi chiang tak hriat theih a la ni loa, a plot awmdan tur pawh sawilan a la ni lo. Rei lo te hnuah a chiang turah ngai ang.

Ngaihdan hrang hrang chu...
Mi ṭhenkhat chuan a script title aṭang chuan Joker-a partner-in-crime, Harley Quinn a inlan dawn a nih an ring! Ṭhenkhat ve thung chuan a flim hmasa plot aṭanga chhuizuiin Thomas Wayne chu Joker-a pa tak tak a ni mai thei! te an tia, Batman a inlan ringtute pawh an awm ve bawk.

Film hmasa kha
Kum 2019-a tlangzarh a ni a, $tld 1.074 lai sum a lalut thei. Critics lamin an fak rawn a, kum 2019-a film tlangzarh zingah chuan sum lalut tam parukna ni phakin Joker lema thiam taka chang Phoenix chuan Oscar award a dawn phah hial a ni