Department hmalakna enfiah

Lunglei district High Powered Committee (HPC) vice chairman Lawmawma Tochhawng, MLA chuan June 23, Thawhlehni khan Lunglei Zobawka Fisheries department leh LAD-te hmalakna a enfiah.

Lawmawma Tochhawng chuan, Lunglei HPC-in a tum pawimawh ber chu - ei leh bara intodelh leh phai aṭanga thil lak luh tihtlem a nih thu a sawi a, "Fisheries hnathawh mekte hi hemi kawnga hmalakna pawimawh tak a ni," a ti.

Fisheries department hnuaia Fish Seed Farm, Zobawkah hian sangha notê tihkeuna ‘Chinese Circular Hatchery’ chu cheng nuai 4.50 sénga chei ṭhat mek a ni.

Zobawkah hian LAD department-in park an nei a, HPC Vice Chairman chuan a chei ṭhat dan tur LAD-a thawktute a ruahmanpui. Swimming pool awm sa chu chei ṭhat a nih dawn bakah, fountain, naupang infiamna hmun, outdoor shooting range-te siam tum a ni.