Hruaitu ropui zingah Shakira
Fortune chanchinbu chuan khawvela hruaitu ropui 50 a thlang chhuak a, chung zingah chuan zaithiam Shakira pawh langin, ani bakah hian Chance The Rapper, film siamtu Ava DuVerney te pawh an tel.
Fortune chanchinbuin World’s Greatest Leaders a thlan chhuahah hian Chicago Cubs baseball team president, Theo Epstein chu hruaitu ropui bera thlan a ni a, a hnungah hian sumdawng hausa Jack Ma leh, Catholic Kohhran hruaitu Pope Francis te an awm.
Zaithiam zingah Shakira hi a thleng sang ber a, 27-naah a lang a, he list-a a lanna chhan an tarlanah chuan khawvel hmun hrang hranga ṭanpuina leh mi rethei chawikanna lama hma a lak nasat vang a ni. Shakira hian naupang tam takin sikul an kal theih nan sum tam tak a seng a, sikul te a sa a, chu bakah chuan Chicago Public Schools atan USD mtd 1 zet a thawh bawk. Infiammi he list-a sangah chuan Le Bron James a sang ber a, 11-naah a awm.