Chuck Berry-a hla tichhuak

Rock n’ Roll legend, March 18-a thi ta, Chuck Berry-a hla, a album-a mi tur chu a chhungten an tichhuak.

Kum 90 mi nia thi, Chuck Berry hian nikuma a pian champha phakah khan kum 38 hnua a album hmasa ber tur tihchhuah a tum thu a lo puang tawh a, he album-a mi hla, Big Boys chu a chhungten single-in an tichhuak.

Chuck Berry album tih­chhuah turah hian hla 10 a awm dawn a, June 16 hian tihchhuah a ni ang. He album hi hun eng emaw chen kal ta aṭanga a lo buaipui tawh a ni a, he album-a hla awm tur tam zawk hi a awmna, St. Louis, Missouri-a a record a ni.