Smartphone hralh chak ber Redmi 4A

Ningani khan Xiaomi phone thar, Redmi 4A chu a vawi khat nan India-ah, Amazon leh Mi.com te aṭangin zawrh chhuah a ni a, India ramah record a siam. India rama phone an tihchhuah nia ṭum khata hralh hnem ber a ni.

Redmi 4A hi minute 4 chhungin unit 250,000 zet an hralh a, phone, India rama tihchhuah ni (launch day)-a ṭum khata hralh hnem ber a ni. Amazon chuan ‘Notify me’ request ringawt pawh maktaduai khat a chuang tih a sawi.

Xiaomi phone thar hi a hmai inchi 5-a hlai a ni a, processor hi 1.4GHz quad core a ni. A hma lam camera hi 5MP a ni a, a hnunglam camera hi 13MP a ni. Battery hi 3120 mAh a ni a, a RAM hi 2GB niin, a storage hi 16GB a ni.