Breaking Benjamin an la neu lo

Kum 2015-a an album tih­chhuah kha a la hit reng a, Breaking Benjamin hian rock huang chhung­ah an la neu lohzia an lantir. Kum 2015-a an LP, Dark Before Dawn-a hla ‘Never Again’ chu Billboard Mainstream Rock Songs-ah pakhatnaah a rawn kai leh.

Breaking Benjamin hian Dark Before Dawn aṭang a hla an lo tihchhuah tawh dang pahnih pawh chu Billboard Mainstream Rock Songs chart-ah pakhatna ve ve an lo ni tawh. Tunah hla dang an tichhuak leh a, pakhatna bawk an luah. A hmaa he chart-a pakhatna lo luah tawhtute chu Failure leh Angels Fall te a ni.

Nielsen Music-in a tarlan dan chuan ‘Never Again’ hla hian audience maktaduai 3.8 zet a nei tawh a, Hot Rock Songs-ah 28-na a ni a, Rock Airplay chart-ah 21-na aṭangin 18-naah hma a rawn sawn tawh bawk.