Han Solo movie beisei a sang

Star Wars thawnthu aṭanga siam chhawn Rogue One: A Star Wars Story a hlawhtling em em a, Star Wars: The Last Jedi pawh kumin December-ah tihchhuah a ni dawn. Hetiang vel a nih avang hian Star Wars-a Han Solo character bik chhuizuina Han Solo movie pawh beisei a sang.

Star Wars-ah Han Solo lem hi Harrison Ford chuan a chang a, tuna Han Solo film-ah hian Han Solo lemah Alden Ehrenreich a chang thung dawn. He film-a Han Solo mentor lema chang, Harrelson chuan Han Solo film hian mipuite beiseina ang a pha dawn a, an beisei anga ropui a nih tur thu a sawi. He film hming tur tak hi la siam fel loh a ni a, nakkuma tihchhuah tur a ni.