Baahubali 2 - The Conclusion beisei a sang

Bollywood-a film chhuak thar tur ‘Baahubali 2 - The Conclusion’ chu beisei a sang a, Bollywood box office-ah chuan record siam thei tura beisei a ni. ‘Baahubali 2 - The Conclusion’ hi April 28 hian tih­chhuah a tur a ni a, screen 6500-ah chhuah a ni ang. A trailer, Hindi version ringawt pawh YouTube-ah entu maktaduai 34 an tling tawh.

He film hi 4k High Definition format a ni a, India-ah he format-a movie tihchhuah hmasak ber tur a ni a, hei vang hian theatre tam tak chuan an projector an upgrade a ngaih phah dawn. He film budget-ah hian Rs. tluklehdingawn hnih dah a ni.

‘Baahubali 2 - The Beginning’ pawh kha a hlawhtling hle. Rs. tld 1.8 (vbch 180) senga siam a ni a, kum 2015 July 10-a tihchhuah kha a ni. India ram chhung bikah chuan sum lalut hnem ber film a ni a, Indian film zingah khawvel puma sum lalut hnem pathumna a ni. A sum lakluh zawng zawng hi Rs. vbch 650 (tld 6.5) zet a ni.