Sia-i’n a hmai a khuh reng lo

A hla a nalh thei a, a zai­thiam bawk a, a lar si a, mi tam takin Sia hmel tak tak hi hmuh an chak fo ṭhin. Sia hian a hmel tak tak mipuiin an hmuh hi a phal lo lo a, mipui zingah pawh sam lem, hmai khuh chhûm inbel loin a kal ve fo! Kum 2008 August thla khan Bust magazine kum 15 tlinnaah hmel langin a kal a, kum 2010 November thla khan Sydney Opera House-a ARIA Awards an sem ṭuma red carpet-ah sam lem vuah loin a inlan. 

Kum 2009-a MTV Australia Awards-ah pawh khan a hmai a khuh lo. Nikum khan Spotify-in a buatsaih Creators Party-ah hmai langin a kal a, June thlaa Red Rocks Amphitheatre-ah sam lem vuah loin a zai. Nilaini kalta khan Los Angeles-ah a hmai hliah khuh loin a chhuak bawk.