QS World University Rankings 2023 ; Khawvela University ṭha ber MIT ; India ram ranking hmu sang ber IISc, Bengaluru

QS World University Rankings 2023 chu Nilaini khan tihchhuah a ni leh ta a, Massachusetts Institute of Technology (MIT), Cambridge, United States-a mi bawk chungnung lehin point hmu tam ber a ni leh a, point 100 lai hmuin kumin QS World University Ranking-ah hian pakhatna a ni.

University of Cambridge, Cambridge, United Kingdom chuan point 98.8 hmuin pahnihna a ni a, pathumna chu Stanford University, Stanford, United States niin point 98.5 a hmu. University of Oxford chu palina a ni thung a, Harvard University chu pangana a ni ve bawk.

California Institute of Technology (Caltech) chu parukna a ni a, top 10-a lang University-te hi UK leh US lam deuh vek niin pakuana ETH Zurich, Switzerland chiah a ni lo.

Kuminah hian India ram University 41 a lang a, nikum lamah khan 35 chiah a lang thung

Indian University ranking sang ber IISc, Bengaluru
Nikum lama Indian University zinga rank sang ber Indian Institute of Science, Bengaluru chu India University zingah a che ṭha ber a, nikum lamah khan 186-na niin kuminah erawh 155-na a ni a, nikum lama a tluk loh Indian Institute of Technology Bombay (IITB) leh Indian Institute of Technology Delhi (IITD)-te ai pawhin kuminah hian a che ṭha zawk.

Tuna ranking thar chhuakah hian IISc, Bengaluru, IIT Bombay leh IIT Delhi-te chu top 200-ah an lang pha vek. Kuminah hian India ram University 41 a lang a, nikum lamah khan 35 chiah a lang thung.

India University che ṭhazualte leh an rank:-
155 IISc Bangaluru
172 IIT Bombay
174 IIT Delhi
250 IIT Madras
264 IIT Kanpur
270 IIT Kharagpur
369 IIT Roorkee
384 IIT Guwahati

QS World University Rankings 2023 top 10:-
1 Massachusetts Institute of Technology (MIT) Cambridge, United States
2 University of Cambridge Cambridge, United Kingdom
3 Stanford University Stanford, United States
4 University of Oxford Oxford, United Kingdom
5 Harvard University Cambridge, United States
6 California Institute of Technology (Caltech) Pasadena, United States
7 Imperial College London, London, United Kingdom
8 UCL London, United Kingdom
9 ETH Zurich Zürich, Switzerland
10 University of Chicago Chicago, United States