Scarlett Johansson film channa tur 'The Sea Change'

Avengers star Scarlett Johansson chu film thar 'The Sea Change'-ah a chang dawn.

Kum 37 lai ni ve tawh Scarlett Johansson channa tur hi drama film tur niin Oscar-nominated actress Kristin Scott Thomas chuan a vawi khatna atana a film direct tur ani bawk a, kum 1959-a tihchhuah Elizabeth Jane Howard novel ziah 'The Sea Change' tih tho behchhana an siam tur a ni.

Scarlett Johansson hian tu lem nge a chan dawn tarlan la ni chiah lo mah se Lillian lemah a chang dawn a nih an ring a, Rebecca Lenkiewicz chu script ziaktu tur niin Thorston Schumacher chu producer tur a ni thung.