Instagram-a follower ngah ber Cristiano Ronaldo

Portugal national football team captain ni lai leh Juventus F.C player ni bawk Cristiano Ronaldo chu mimal, Instagram-a follower ngah ber a ni a, follower hi maktaduai 225 a nei.

Kum 2018 aṭang khan C Ronaldo hi Instagram-ah follo­wer ngahber a rawn ni tawh a, kha mi kum khan follower mtd 149 a nei a ni. Nikum khan follower mtd 218 neiin pakhatna dinhmun a lo hauh tawh bawk a, kum thum a zawnin Instagram-a follower ngah ber a ni mek.

American pop star Ariana Grande chuan C Ronaldo hi a dawt a, ani hian follower mtd 191 a nei a, nikum khan follower mtd 185 neiin, pahnihna dinhmun tho a lo hauh tawh bawk a ni. Ariana hi hmeichhe zingah leh zaithiam zinga follower ngah ber a ni bawk.   

Kum 2017 thleng khan Instagram-a follower neih tam lamah hmeichhiain ro an rel a, 2016-17 khan Selena Gomez chuan follower nei tam ber niin a zawnin kum hnih chhung follower ngah ber a ni a, a kum leh 2018 aṭang khan Ronaldo hian pakhatna dinhmun a rawn hauh chho ta char char a ni. Mimal loah chuan Instagram platform siam chhuaktu, social net­working service Instagram chuan follower a ngah ber a, follower mtd 354 a nei a ni. 

Mimal follower ngah zingah hian Dwayne 'The Rock' Johnson, Kylie Jenner leh Justin Bieber-te pawh an tel a ni.

1    Cristiano Ronaldo    225 million 

2    Ariana Grande    191 million 

3    Dwayne 'The Rock' Johnson    187 million 

4    Kylie Jenner    182 million 

5    Selena Gomez    180 million 

6    Kim Kardashian    176 million 

7    Leo Messi    155 million 

8    Beyonce    148 million 

9    Justin Bieber    139.4 million 

10    Neymar Jr    139.3 million