Fiona Pachuau A hun a thleng ve ta

Hontrade International Ṭhazual Fakna chart-ah TBC Zaithanpuia hun a liam a, Fiona Pachuau hun a rawn inher chhuak ve leh ta. Kumin­a fakna chart-a mimala pakhatna luah thei hmeichhe pahnihna a ni.

Fiona Pachuau hian 'I hming chauh' tih hla hmangin Hontrade International Ṭhazual Fakna chart-ah pakhatna a luah. Kum­ina fakna chart tihchhuah tawhah Lalremsiami'n pakhatna vawi hnih a luah a, Fiona hi hmeichhe zaithiam zinga mimala pakhatna luah thei pahnihna a ni. Group or Duo zingah Mawiteii ft. Open Strings-in pakhatna an luah tawh bawk.

'I hming chauh' tih hla, Fiona Pachuau-in pakhatna a luahpui hi January 30 aṭang khan Hontrade International Ṭhazual Fakna chart-ah kan hmu ṭan a, hemi ṭum hian pasarihnaah a lang. February 13-a chart tihchhuahah kha chuan palina a kai chho tawh a, chumi hnuah pahnihnaah vawi hnih awmin, pakhatna a rawn kai ta a ni. TBCA'n pakhatna a luahpuina hla 'Nang chauh i ni' tih hla chu pathumnaah a chhuk thla a, Pensy hla 'Ka inhumhimna' chu pathumna aṭangin pahnihnaah a rawn chho.

Hontrade International Ṭhazual Fakna chart-ah hian Grace Lal­chhanhimi hla thar 'Krawsah chuan' tih hla chu pasarihnaah a rawn lang thar a, ani bakah hian Hlimhlimi hla thar 'Inenfiah rawh' chu pakuanaah a lang bawk. Mawitei ft. Open Strings hla 'A vul zel' tih leh, Lalhlumawii hla 'Ka dai ngai loh ram nuam' te chu top 10 aṭangin an chhuak.

Hontrade International Ṭhazual Fakna

1 Fiona Pachuau - I hming chauh

2 Pensy B. Lalthangliani- Ka inhumhimna

3 TBC Zaithanpuia - Nang chauh i ni

4 Bethsy Lalrinsangi - Mifelte chauh thlang lova

5 Tbc Zaithanpuia - Zawh ka zuam lo

6 Sawmtea - I tan ka hlan

7 Grace Lalchhanhimi - Kraws-ah chuan

8 Lalremsiami (Nunui) - Malin ka awm lo

9 Hlimhlimi - In enfiah rawh

10 Bektei Sailo - Ka va ngai em