Sawi uar loh theih loh Drake-a album thar
‘More Life’ album a tihchhuah hi a ropuiin, Billboard chart-ah pakhatna a luah a, mahse miten mak an ti lo; an beisei lawk a ni. Drake-a playlist, a album tihchhuah thar ‘More life’ chu Billboard 200-ah pakhatna a luah chiang.
Drake-a album thar ber ‘More life’ hi kar liam ta chhung khan copy 505,000 zet a hralh a, heng zinga copy 257,000 tia an chhiar hi streaming equivalent album a ni. Drake-a tan tun hi a album pakhatnaa a awm vawi sarihna chauh a ni! ‘Views’ album tihchhuah hnua kar khat chhunga album hralh tam ber a ni a, Drake-a album hmasa zawk ‘Views’ kha chawlhkar khat chhungin copy maktaduai 1.04 zet a hralh.
‘More life’ hi physical (album pangngai)-a tihchhuah a ni lo a, streaming equivalent hi 257,000 a ni a, track equivalent hi 23,000 a ni a, a bak hi digital album-in a ni. Streaming equivalent album-ah hian ama record tho Drake hian a rawn khum a, a hmaa streaming equivalent album nei hnem ber chu Drake-a album tho ‘Views’ kha a ni a, ‘More life’ hmang hian a rawn khum.
‘More life’ hi tihchhuah a nih tirh aṭangin record hrang hrang a siam nghal thei. Apple Music
aṭanga darkar 24 chhunga stream nasat ber a ni a, darkar 24 chhungin vawi maktaduai 90 streaming a awm hman; chawlhkar khat chhungin vawi maktaduai 300 vel an stream hman.
A aia ropui a lo lan takah chuan Ed Sheeran pawh pahnihnaah loh theih loh a tawlh thlak a ngai ta. Ed Sheeran-a album ‘÷’ pawh copy 119,000 lai an la hralh tho mai. Ani pawh hi a hlawhtlingin a turu viau reng a, Billboard 200 chart-a pakhatna luah, copy nuai khat tlin lo an tam viau a, Ed Sheeran erawh pahnihna a ni chungin nuai chuang a hralh thei tho.
Billboard 200
“More Life” - Drake (505,000)
“Divide (division sign)” - Ed Sheeran (119,000)
“Rather You Than Me” - Rick Ross (106,000)
“Beauty and the Beast (2017)” Soundtrack - Various Artists (99,000)
“Spirit” - Depeche Mode (64,000)
“24K Magic” - Bruno Mars (51,000)
“Moana” Soundtrack - Various Artists (50,000)
“Future” - Future (40,000)
“Starboy” - The Weeknd (39,000)
“Culture” - Migos (37,000)