Beauty and the Beast a la mawi ber

North American box office-ah chuan Beauty and the Beast a la mawi ber zel a, Power Rangers film rawn chhuak mah se Beauty and the Beast mawina a la hliah khuh thei lo.

Kar tawp ni thum chhung khan Beauty and the Beast film hian USD mtd 88.3 lai lak belh lehin, Box Office movie-ah pakhatna a luah leh. Ni 10 chhuah a ni ta a, North America aṭang chauh pawh hian USD mtd 317 zet lalut ta. Khawvel ram dangah kar tawp chhung khan USD mtd 119.2 zet hmuh belh lehin, hengte nen hian USD mtd 690.3 lai a hmu tling.

‘Power Rangers’ siam thar leh chuan pakhatna a luah zo lo a, amaherawhchu a siamtutena an beisei lawk aiin sum a hmu

ṭha hret. Power Rangers hi kum 1995 kum khan siam a lo ni tawh a, khatih hunlaia naupang la nite khan an en nasa hle. Kar tawp chhung khan USD mtd 40.5 a lalut.

‘Kong:The Skull Island’ chu pathumnaah a tla thla a, USD mtd 14.4 lak luh belhin, North America aṭanga sum a hmuh tawh zawng zawng hi USD mtd 133.5 a tling tawh a, ram dang aṭangin USD mtd 258.6 a hmu tawh bawk. He film-in sum a thawh chhuah tawh zawng zawng hi USD mtd 392.1 a ni.

Box Office top 10

“Beauty and the Beast (2017)” - $mtd 88.3

“Power Rangers” - $mtd 40.5

“Kong: Skull Island” - $mtd 14.4

“Life (2017)” - $mtd 12.6

“Logan” - $mtd 10.1

“Get Out” - $mtd 8.7

“CHIPs” - $mtd 7.6

“The Shack” - $mtd 3.8

“The LEGO Batman Movie” - $mtd 2

“The Belko Experiment” - $mtd 1.8