Foo Fighters-in Taylor Hawkins tribute concert buatsaih dawn

Foo Fighters chuan September thla hian an drummer boral ta Taylor Hawkins tribute concert an buatsaih dawn.

He concert hi London-a Wembley Stadium-ah September 3-ah an buatsaih dawn a, Kia Forum, Los Angeles-ah September 27-ah an buatsaih bawk ang.

Taylor Hawkins tribute concert hi a bandmate- Dave Grohl, Nate Mendel, Chris Shiflett, Pat Smear leh Rami Jaffee-te bakah Hawkins-a chhungte ṭangkawpin an buatsaih dawn a, inlan turte erawh an la puangzar leh dawn a ni.

Drummer Taylor Hawkins hi March thla khan Colombia-a a thlenna hotel-ah thiin an hmu a, a thih hian kum 50 mi a ni.