Linkin Park-in Chester hoa an hla siam tlangzarh loh an nei

Linkin Park khaipa Mike Shinoda chuan an vocalist fam ta Chester Ben­nington hoa an hla record, One More Light ses­sion-a an record la tlang­zarh loh an nei tih a sawi.

An hla tlangzarh loh chu a hming pawh sawi langin 'Friendly Fire' a nih thu a sawi a, Jon Green hoa an phuah a nih thu pawh a sawi lang a, a hla ngaihnat a nih reng thu a sawi bawk.

He hla hi kan la ngaithla lawk dawn lo niin a lang thung, Shinoda chuan tihchhuah an la tum lawk lo tih a sawi a, engtikah emaw chuan an la tichhuah tho turah ngai ang.

Chester Bennington hi July 20, 2017 khan a inah inkawlhluma hmuh a ni a, a ṭhianpa Chris Cornell thih champhaah tak inawkhlumin a thih hnu hian Linkin Park hma lam hun pawh a chiang lo hle a ni. A band member-te chuan hla thar tihchhuah an tum thute pawh sawi ve bawk mah se thawm an nei zui lo hle.