Ronald Zothantluanga'n hla thar a tichhuak

Lengzem leh lenglawng hla thiam taka sa ṭhin Ronald Zothantluanga chuan music video thar 'I zun ngaih hi' a tichhuak.

'I zun ngaih hi' Lalnithangi Sailo (Ln Sailo) phuah a ni a, music leh recording chu amah Ronald-a kut chhuak niin video pawh ama production ngei 3 Bro-Sis Audio visual produce a ni. William Pachuau ( Liannghawr Photography) leh Rinmawia Pachuau te nen a ṭangrualin he music video hi an puitlin a ni.

A hla hi di ruk nei leh vei ruk nei tan inngaihbel remchang em em, hla mawitak , lungkuai em em mai a ni a, Music Domain Mizoram (MDM) Library-ah dahlut tawhin Zonet leh MDM YouTube channel lamah en theih turin a chhuak tawh bawk.