Sony World Photography Awards

2017 Sony World Photography Awards winner puan a ni a, thlalakte a nalh hlawm hle. He intihsiaknaah mi 220,000 lai an tel.

Category hrang hrang siam a ni a, National Awards bik hi ram pakhat aṭanga thlalak thawhtu zing aṭangin thlan a ni a, ram hrang hrangah pakhatna an awm zel. Youth tan category hrang a awm a, kum 12 aṭanga 19 inkarte thlalak aṭanga thlan a ni a, Student Focus a awm bawk. 

April 21 aṭanga May 7 chhung hian London-ah The Sony World Photography Awards & Martin Parr - 2017 Exhibition a awm ang a, hetah hian thlalakte hi phochhuah a ni ang. National Awards atan bik hian ram 66 aṭangin thlalak thehluh a ni. June 1 aṭang hian 2018 intihsiakna atan hun hawn ṭan leh a ni ang.